Les pressemeldinga her

Alsaker Fjordbruk vart tildelt Fiskevelferdsprisen 2026 under EWOS Solstrandkonferanse den 13. februar. Dette er ei anerkjenning me set stor pris på.

God fiskehelse er grunnmuren

Robust smolt, god vaksinestrategi og rensefisk som ein del av lusebekjempinga er viktige faktorar som bidreg til god fiskehelse. Like viktig er det at me over tid har bygd ein kultur der fiskehelse er ein naturleg og felles forstått føresetnad for gode produksjonsresultat.

Målretta arbeid med fiskehelse og fiskevelferd gjennom heile produksjonen er ein viktig grunn til at me har oppnådd gode resultat – eller som Gerhard sjølv seier det: «Ein kan ha god fiskevelferd utan å tene pengar, men det går ikkje an å tene pengar utan god fiskevelferd.»

Me takkar for anerkjenninga og Fiskevelferdsprisen, og ser den som ei stadfesting av innsatsen alle våre dyktige medarbeidarar legg ned kvar dag – både ved merdkant og i alle funksjonane rundt.

Continue reading →

Alsaker AS sitt kjøp av 100% av aksjane i Bolaks Group AS vart godkjent av Konkurransetilsynet 19.01.2026. I dag vart avtalen om kjøp gjennomført, og ein skapar med det den klårt største privateigde oppdrettsverksemda i Sør-Norge.

Selskapet vil vera ein sterk, lokaleigd aktør med meir enn 25 000 tonn MTB i PO2 og PO3, og eit produksjonspotensiale på over 50 000 tonn i året. Gjennomføringa av kjøpet tryggar lokale arbeidsplassar, og selskapet vil dra nytte av ei felles og fullintegrert verdikjede – og kunne optimalisere bruken av stamfisk, settefiskanlegg, lokalitetar, servicebåtar, brønnbåtar og slakteri.

Les pressemeldinga her