Dåp Kristoffer Tronds

by . Posted on

Alsaker Fjordbruk sin brønnbåt Kristoffer Tronds vart døypt ved Bryggen i Bergen i dag. Gudmor Malene Kristine Meidell Alsaker ynskja båten hell og lukke, og flaska knuste i skutesida på fyrste forsøk. Me gratulerer redar Gerhard Meidell Alsaker med familie, kaptein og mannskap!

Velkomen heim Kristoffer Tronds

by . Posted on

Det var eit fantastisk skue då brønnbåten Kristoffer Tronds endeleg kom heim til Onarheim 31.mars 2021. Ein konvoi av Alsaker-båtar følgde den stolte skuta inn til Onarheim og djupvasskaien i Nedrevåge. Der venta Onarheim Musikklag med festmusikk, og folk stod og vifta med flagg og ønskte velkommen! Det var reine 17. mai stemninga!

100.000 kroner til TV-aksjonen

by . Posted on
16 okt

Havet er matfatet vårt. Difor støttar Alsaker Fjordbruk årets TV-aksjon.

«Plast i havet er den største trugsel mot miljøet me står ovanfor i dag», seier Gerhard Meidell Alsaker, administrerande direktør i Alsaker Fjordbruk.

Det er særskild viktig å redusera bruken av havet som bossfylling for plast og anna avfall. Alsaker Fjordbruk vil difor gje 100.000 kroner til årets TV-aksjon, som i år handlar om å redusera plastutslepp frå Sør-Aust Asia og ta vare på verdshava.

Les meir om TV-aksjonen her:

https://blimed.no/tv-aksjonen-nrk/tv-aksjonen-2020/

Alsaker Fjordbruk tildelt postsmoltkonsesjon

by . Posted on
26 sep

Alsaker Fjordbruk fekk 26.09.2019 tildelt postsmoltkonsesjon på Onarheim. Søknaden vart fremja Hordaland fylkeskommune i fjor haust etter at NVE hadde gjeve vassdragskonsesjon i Onarheimselvo.

I vår gav Fylkesmannen utsleppsløyve på omsøkt volum basert på eit anlegg med RAS1-teknologi, der omlag 99% av vatnet går i resirkulering. Mattilsynet godkjente ein produksjon på 17 millionar postsmolt opptil 1 kg for få veker sidan.

Med dette kunne Hordaland fylkeskommune skrive ut løyvet som får konsesjonsnummer HT-0029. Godkjenninga er truleg verdas største postsmoltkonsesjon, og i alle høve den største på Onarheim…

Når produksjonsmessige rammer no er gjevne, byrjar detaljprosjekteringa av postsmoltanlegget på næringsområdet Alsaker Brygge Sør på Onarheim. Arealet vart ferdigregulert i 2017 og det har sidan føregått planeringsarbeid på tomta.

 

Eventuelle henvendingar kan gjerast til:

Kristian Råsberg
Samfunnskontakt
Alsaker Fjordbruk AS

Epost: kristian.rasberg@fjordbruk.no
Telefon: 992 10 109